ढोल ताशा, गाजा बाजा 
बाप्पा म्हणतो, नको तमाशा.

​

दिव्य भव्य, देख देखावे
एवढे मोठे तरी का हवे.

​

बाप्पा नाचत गाजत सांभाळून यावा 
पण कधी मूर्ती चा तोल ना जावा.

​

अशी काही प्रथा नव्हती 
अशी पूर्वी रीत नव्हती.

​

उत्साह आपला उंच असावा
पण उंची ची ही स्पर्धा नसावी.

​

त्याला फक्त तुमची भक्ती सरे
मोदकाचे दोन घास पण पुरे.

​

म्हणतात सगळे बाप्पा मोरया
त्याच्या इच्छेचा पण आदर करूया.

​

ढोल ताशा, गाजा बाजा 
बाप्पा म्हणतो, नको तमाशा.