आई आई सांग ना रे तुला
आठवण येत असेल का गं माझी
दूर आकाशातल्या ढगांतून
माझ्यावर, नजर असेल ना गं तूझी.
 
मला नेहमी वाटते, तू वरून बघतेस
नेहमी माझ्या बरोबर, आई तू असतेस
विचारांना माझ्या, जरी हे पटत नाही
डोळे मिटून हाक मारता, तू कशी दिसतेस.

​

कित्ति वर्ष झाली आहेत गं आई
ए आई, अशी तुला हाक मारून
असे कित्ति क्षण गेले आहेत
तुझ्या विना साजरा करून.

​

आई, आज एकांतात, मन तुझी वाट पाहे
तुझी आठवण, सोबत डोळ्यात पाणी आहे
तुझ्या सारखी मला ही, तुझी पण काळजी आहे
जवळ नाहीस जरी तू, पण आठवण नेहमी साथ राहे.

​

ए आई. 

​

तुझा लाडका
मी.